PM Modi : पंतप्रधान मोदी आज रात्री 8 वाजता देशाला संबोधित करतील
देशातील कोरोना विषाणूच्या वाढत्या संसर्गाबाबत,पंतप्रधान नरेंद्र मोदी रात्री आठ वाजता देशाला संबोधित करतील. त्यांनी ट्विटद्वारे याबाबत माहिती दिली. पंतप्रधानांनी लिहिले की,कोरोना विषाणूच्या जागतिक उद्रेकाबाबत मी देशवासियांबरोबर काही महत्वाच्या गोष्टी,सार्वजनिक रित्या करेन. आज 24 मार्च मी रात्री 8 वाजता देशाला संबोधित करेन.
हे जाणून घ्या की पंतप्रधानांनी यापूर्वी 19 मार्च रोजी देशाला संबोधित केले होते.
या वेळी त्यांनी कोरोना विरूद्धच्या लढाईत खबरदारी व लोकसहभागाचे आवाहन केले. 22 मार्च रोजी देशातील लोकांनी जनता कर्फ्यू पाळले पाहिजे, असे त्यांनी म्हटले होते. त्याचा प्रतिसाद ही देशभर पाहायला मिळाला.
लॉकडाऊनचे अनुकरण करण्याचे आवाहन पंतप्रधान मोदींनी केले
सोमवारी पंतप्रधान नरेंद्र मोदी,आणि उत्तर प्रदेशचे मुख्यमंत्री योगी आदित्यनाथ यांनी,प्रत्येकाला लॉक डाऊनचे अनुकरण करण्याचे आवाहन केले. लोकांनी त्यांच्या घरी राहावे आणि सार्वजनिक ठिकाणी जाणे टाळले पाहिजे, असे दोन्ही नेत्यांनी म्हटले होते. पंतप्रधानांनी स्वत: ला,आणि आपल्या कुटूंबाला कोरोना विषाणूपासून वाचवण्याचे सांगितले होते. ह्या बंदीच्या वेळी सरकारने दिलेल्या सूचनांचे गंभीरपणे पालन करा. पंतप्रधान मोदींनी,राज्य सरकारांनी राज्यात कायदा व सुव्यवस्था राखण्याचे आवाहन केले.
23 मार्च रोजी अनेक राज्ये आणि शहरांमध्ये बंदीची घोषणा करण्यात आली. असे असूनही, बर्‍याच ठिकाणी लोक निष्काळजी दिसत होते. वाहनांची हालचाल सामान्य असल्याचे दिसून आले,आणि लोक इकडे तिकडे फिरत राहिले. लॉकडाऊनवर कोणताही परिणाम दिसून आला नाही. हे लक्षात घेता पीएम मोदी यांनाही असे आवाहन करावे लागले,की बरेच लोक ते गांभीर्याने घेत नाहीत आणि राज्य सरकारांनी कायद्याचे काटेकोरपणे पालन करावे.
अद्याप गांभीर्य नसणे
त्यानंतर 30 राज्यात लॉकडाऊन केले. सर्व राज्ये याबाबत सावध राहू लागली. दिल्ली आणि महाराष्ट्रासह चार राज्यात कर्फ्यू लागू करण्यात आला. पण आजही 24 मार्च रोजी उत्तर प्रदेश, बंगाल, महाराष्ट्र यासारख्या ठिकाणी लोक भाजी मार्केटमध्ये आणि इतरत्र ठिकाणी खरेदी करताना दिसले.
कदाचित सद्य परिस्थिती पाहता,पंतप्रधानांना पुन्हा देशाला संबोधित करण्यासाठी परत यावे लागेल. मागच्या वेळी त्यांनी जनता कर्फ्यूची घोषणा केली होती.ह्या वेळी कुठली मोठी घोषणा करतील वाट पाहूया.
